Job 36

UElihu ukhuluma ngobukhulu bukaNkulunkulu

1UElihu waseqhubeka wathi:

2Ngibekezelela kancinyane, ngizakubonisa ukuthi kuseselamazwi ngoNkulunkulu. 3Ngizathatha ulwazi lwami luvela khatshana ^a, nginike ukulunga kuMenzi wami ^b. 4Ngoba isibili amazwi ami kawayisiwo amanga; opheleleyo elwazini ulawe ^c.

5Khangela, uNkulunkulu ulamandla, njalo keyisi ^d; mkhulu emandleni okuqedisisa ^e. 6Kayekeli omubi aphile, kodwa unika abayanga okulungileyo. 7Kasusi amehlo akhe kolungileyo ^f, kodwa balamakhosi esihlalweni sobukhosi ^g; yebo, uyawahlalisa phakade, abesephakama ^h. 8Njalo uba bebotshiwe ^{i , j} ngezibopho ^k, bethunjwe ngezintambo zenhlupheko ^l, 9abesebatshela isenzo sabo ^m, leziphambeko zabo, ukuthi zazilamandla ⁿ. 10Uyavula indlebe yabo ekulayweni, alaye baphenduke ebubini ^o. 11Uba belalela ^p, bamkhonze ^q, bazachitha insuku zabo kokuhle ^r, leminyaka yabo ezintokozweni ^s. 12Kodwa uba bengalaleli, bazadlula ngomkhonto ^t, baphele bengelalwazi ^u. 13Labangamesabiyo uNkulunkulu ngenhliziyo babuthelela intukuthelo ^v; kabakhali esebabophile ^w. 14Umphefumulo wabo uzafela ebutsheni, lempilo yabo phakathi kwezinkotshana ^x. 15Uzakhulula ohluphekayo ekuhluphekeni kwakhe, avule indlebe yabo ecindezelweni ^y.

16Yebo, lawe wakuhuga ukuthi uphume emlonyeni wocindezelo ^z uye endaweni ebanzi ^{aa , ab}, okungelacindezelo kuyo ^ac, lokuphezu ^ad kwetafula lakho ^ae kuzagcwala amanono ^af. 17Kodwa ugcwalise isigwebo somubi; isigwebo lokulunga kukubambile. 18Qaphela ulaka lungakuhugeli ekuklolodeni ^ag, lobukhulu benhlawulo bungakuphambuli ^ah. 19Ubengalinganisa inotho yakho ^ai, ukuthi ubungebe ecindezelweni, lemizamo yonke elamandla ^aj? 20Ungakhefuzeleli ^ak lobobusuku ^al bokususwa kwabantu ^am endaweni yabo ^an. 21Qaphela, ungaphendukeli ebubini ^ao, ngoba ukhethe lokho kulokuhlupheka ^ap.

22Khangela, uNkulunkulu uziphakamisa ngamandla akhe; ngubani ongumfundisi njengaye ^aq? 23Ngubani ommisele indlela yakhe? Kumbe ngubani othe: Wenze ububi ^ar? 24Khumbula ukuthi ukhulise umsebenzi wakhe, abahlabela ngawo ^as abantu ^at. 25Bonke abantu bayawubona; umuntu uyawukhangela ekhatshana. 26Khangela, uNkulunkulu uphakeme, njalo kasimazi ^au, lenani leminyaka yakhe ^av kayilakuhlolwa ^aw. 27Ngoba wenyusa amathonsi amanzi ^ax, ahlambulule izulu njengenkungu yawo ^ay; 28amayezi alithululela phansi ^az, lithonte kakhulu phezu komuntu ^ba. 29Yebo, kukhona yini ongaqedisisa ukwendlaleka kwamayezi ^bb, umsindo wedumba lakhe ^bc? 30Khangela, wendlala ukukhanya kwakhe phezu kwawo ^bd, agubuzele impande zolwandle ^be. 31Ngoba ngawo uyehlulela abantu ^bf, anike ukudla ^bg ngobunengi ^bh. 32Ngezandla usibekela ukukhanya ^bi, abesekulaya ngalelo elingena phakathi ^bj. 33Umdumo wakhe ubika ngakho, lenkomo ngenkungu eyenyukayo ^bk.